BR LA UNION – Nakakad-kadlaw iti saan a panang-dakamat ni Presidente Ferdinand Marcos Jr. iti kabsat na a ni Senator Imee Marcos iti panang-endorso dagiti Senatorial candidate ti partido na nga Alyansa Para sa Bagong Pilipinas iti naisayangkat a campaign rally idi rabii ti Biyernes idiay Trece Martires probinsiya ti Cavite, a maysa a maibilang a vote-rich provinces wenno adddaan ti dackel a bilang dagiti rehistrado a botante ditoy pagilian.
Paset iti campaign speech na, saggaysa nga inyam-ammo ti Presidente dagiti Senatorial candidate ken rinaem dagiti track record ken backgrounds dagitoy, ngem saan a dinakamat ti Presidente iti nagan ni Senator Imee Marcos a saan a nakadar-ay iti campaign rally.
Ngem ni Las Pinas city Cong. Camille Villar a saan met a present iti kampaniya gti partido ket inyindorso latta iti Presidente.
Iti saan a panang-endorso ti Presidente iti kabsat na ket kasaruno ti nagbalin a waragawag ni Sen. Imee a saan pay laeng a sumurot iti campaign rallies ti Alyansa Para sa Bagong Pilipinas agsipudta ipaayan na ti atensiyon iti agdama, iti Senate inquiry iti kontrobersiyal a panang-aresto kenni sigud a President Rodrigo Duterte nga insuko kunana ti Marcos administration iti International Criminal Court (ICC) idiay The Hague, Netherlands.
Maipalagip a nagtalinaed ni Sen. Imee a kaalyado ti sigud a Presidente, a nangipalubos iti ama da a pimmusay a ni Ferdinand Marcos Sr. a maitabon idiay Libingan ng mga Bayani.
