Nairekord ti Philippine Coast Guard (PCG) ti 59,594 outbound passengers wenno ti bilang dagiti pasahero kadagiti sangladan nga agawid iti bukodda a probinsia iti intero a pagilian idi napalabas laeng a Paskua.
Maibasar iti datos ti PCG, dumanon met iti 55,208 inbound passengers wenno dagiti agsubli iti Metro Manila ita a holiday season.
Agingga iti 3,000 a frontline personnel manipud 16 a PCG Districts ti nangisayangkat iti inspeksion iti 552 a barko ken 1,040 motor bancas.
Immunan a naipadamag nga intag-ay ti PCG dagiti distrito, estasion ken substation iti heightened alert nangrugi idi Disiembre 20, 2024 agingga ita nga aldaw Enero 04, 2025 tapno umno a makontrol ti panagakar dagiti pasahero kadagiti pantalan.
