Strikto ti panagmonitor ti Presidential Communications Office (PCO) ti productivity dagiti empleyado da a naka-work-from-home tunggal Biernes.
Segun kenni PCO Secretary Dave Gomez, mangusar iti Information and Communications Technology (ICT) Division da iti digital attendance system tapno mabantayan ti oras ti panagserrek, ruar, ken trabaho dagiti empleyado kabayatan ti kaadda iti balay da.
Obligasyon pay ti panangisubmitir ti binulan a work program dagiti cluster heads ken supervisors tapno masiguro a matungtungpal metlaeng ti trabaho dagiti naka-work-from-home.
Daitoy a setup ket paset ti pannakaipatungpal ti four-day onsite workweek ken maysa nga aldaw a work-from-home makalawas, kas maiyannurot iti Memorandum Circular No. 114 a nairanta para ti panangsalimetmet ti kuryente kadagiti ahensya ti gobierno.
