Nangisubmitiren ti irrevocable resignation na ni Acting PCO Secretary Cesar Chavez.
Ti statement nga inruar ni Chavez, naammoan nga idi pay Pebrero 5 nga insubmitir na ti panaglosolos.
Nakalanad ditoy nga aglosolos isuna a masayangan agsipud ta ti saan na pay a naaramid a naan-anay iti trabaho a ninamnama dagiti tao kenkuana.
Inladawan na ti tunggal aldaw ti panagserbi na kas maudi nga aldaw nan iti posisyon – kayat na satwen, inted na amin a kabaelan na para iti serbisyo publiko.
Mainaig iti daitoy ket nangipadanon met ti panagyaman ni Chavez kenni Presidente Ferdinand R. Marcos Jr. iti gundaway nga agserbi ken agbalin a paset ti administrasyon na, kasta met iti talek ken kumpiyansa ti lider kenkuana.
Kinuna ni Chavez nga agtalinaed pay isuna iti posisyon agingga Pebrero 28 wenno nasapsapa pay apaman makabiruken ti Malakanyang ti mangsukat kenkuana kas Sekretaryo ti PCO.
Impasiguro na met nga agtalinaed iti suporta na para ti administrasyon ni Presidente Marcos nangruna kadagiti plano daitoy kabayatan ti panagturong na ti baro a biag iti ruar ti gobierno.
