LA UNION – Imbutaktak ti Philippine Drug Enforcement Agency (PDEA) iti nauneg a konseksiyon ti POGO ken dagiti drug syndicates iti panagdengngeg ti Quad Comm ita nga aldaw.
Imprisinta iti Quad Comm ni PDEA Deputy Director General Renato Gumban iti matrix a mangipakpakita nu kasatno nga ipatpatungpal dagiti transnational sysndicates iti drug trafficking, money laundering ken iti kwestiyunable a panaggatang ti daga dagiti gangannaet ditoy Pilipinas.
Nangrugi iti imbestigasyon iti insayangkat a joint operations idi September 24,2023 a naka-kumpiskaran iti aganay 560 kilos ti maipagarop a shabu idiay Mexico, Pampangan nga agbalor ti P3.6 Billion.
Nakumpiskar dagiti nasao nga iligal a droga iti warehouse a kukua ti maysa a Willie Ong wenno am-ammo kas Cai Qimeng a maysa met laeng nga incorporator ti Empire 999 Realty Inc., a maysa a dackel a kumpanya a karaman iti illicit activities.
Kabilang pay iti Golden Sun 999 Realty Inc. and Development Corporation ken Yatai Industrial Park nga agpada nga adda pakainaiganna kada Ong ken Aedy Yang.
Iti Golden Sun 999 ket adda pakainaiganna kenni Rose Nono Lin a karaman iti kontrobersiyal a Pharmally Pharmaceutical Corporation.
Iti presentasyon ti PDEA nadetermina iti direkta a koneksiyon iti baetan ti POGO ken criminal syndicates.
Nadakamat pay iti Hongsheng Gaming Technology a maysa a POGO operator a naka base idiay Bamban, Tarlac kas key player.
Daytoy ket naponduan ti bilyunes a kantidad kabilang ni Hong Jiang Yang a kabsat ni Micahel Yang.
Pinarentaan ti Hongsheng Gaming iti pasilidad da manipud Baufu Land Development Inc., a kukua ni Alice Guo.
Segun kenni Rep. Gerville Luistro a makaalarma dagiti nasao a rebelasyon.
