Impannakkel ti Philippine Drug Enforcement Agency (PDEA) ti P56.37-bilyon a gatad ti droga a nakumpiskar ti ahensya manipud pay idi Hulyo 1, 2022 agingga Enero 31, 2025.
Kaadwan kadaghiti nakumpiskar ket ti droga nga ecstasy ken shabu, karaman pay ti nasurok 6K kilo ti marijuana ken agingga 90 kilos ti cocaine.
Kabayatan dagiti operasyon ket nakaarestar ti ahensya ti 131,578 drug personalities ken 8,404 high-value targets.
Nadadael da pay dagiti 1,301 a drug dens ken tallo a dadakkel nga laboratoryo ti droga.
