LA UNION – Nakairekord iti Provincial Disaster Risk Reduction and Management Office iti Probinsya ti La Union iti 79 nga insidente mainaig ti Bagyo Carina ken Habagat idi Kalman, Hulyo 25, 2024.
Namonitor dagitoy nga insidente iti nagsisina a munisipalidad ti Tubao, Agoo, Bacnotan, Naguilian, Rosario, Bauang, Luna ken siudad ti San Fernando.
Dumanon iti 9,923 a pamilya wenno 37,558 nga indibidwal manipud 113 barangay ti 15 a munisipalidad ti probinsya iti apektado gapo iti kasasaad ti panawen.
200 kadagitoy a pamilya wenno 534 nga indibidwal ket maipapaayan serbisyo kadagiti uneg ti evacuation centers bayat a 9,590 nga pamilya wenno 36,363 nga indibidwal iti maipapaayan iti serbisyo iti ruar.
Dagiti apektado a pamilya ket aggapo kadagiti ili ti:
Bacnotan, Balaoan, Bangar, Siudad ti San Fernando, Luna, San Juan ken Sudipen para iti 1st district, bayat a dagiti ili ti;
Agoo, Aringay, Bagulin, Bauang, Caba, Naguilian, Pugo, Tubao para iti 2nd district.
Tallo iti pimmusay manipud kadagiti ili ti Bauang, Tubao ken Bacnotan:
Maysa nga agtawen-11 a lalaki manipud Barangay Tammocalao, Bacnotan iti napandagan ti natumba a kayo;
Maysa nga agtawen-48 a babai manipud Barangay Urayong, Bauang, iti agdama a mabirbiruk babaen ti Ongoing Search and Retrieval operation, ken;
Maysa nga agtawen-61 a lalaki manipud Sitio Daeng, Halog East, Tubao iti nalmes ken madama metlaeng a mabirbirok.
Apektado met iti 31 nga road sections manipud Bagulin, Caba, Naguilian, Bauang, ken siudad ti San Fernando; uppat nga road sections ti agtaltalinaed a saan a madalanan ken 27 a road sections ti mabalinen a dalanan.
Nakapadas met ti Power Interruptios iti 32 a Barangay manipud Bagulin, Agoo, Santol, Caba, Sudipen, ken siudad ti San Fernando bayat a naisublin iti kuryente ti 24 a Barangay.
Nadadael iti 19 a babbalay manipud Balaoan, Luna, Agoo, Aringay, Bagulin, Bauang ken Naguilian nu sadino 17 kadagitoy ket partially damaged ken dua iti totally damaged.
