LA UNION – Maipagarop a nagsagaba iti pannakatukkol ti saka ken multiple injuries iti maysa a 40-anyos a lalaki kalpasan a madungpar ti motorsiklo idi rabii, iti kawatiwatan ti bypass road iti Barangay One, San Fernando City, La Union.
Nabigbig iti biktima a ni John Fusilero, 40, awanan ti asawa, residente ti Barangay Sevilla ditoy syudad.
Iti met respondent driver ket managan Peter Gadia, 51, addaan ti asawa, tubo ti Barangay Paryok, Sta Cruz, Ilocos Sur ngem agnanaed itan iti Barangay Namtutan ditoy syudad.
Maibasar iti police report, magmagna ti biktima iti daya a paset ti kalsada, idi madungpar daytoy ti motorsikLo.
Gaputi kapigsa ti impact iti aksidente, maipagarop a nagsagaba ti biktima iti fracture iti saka ken multiple injuries.
Naamwan a positibo nga adda iti impluwensiya ti arak iti respondent driver agraman ti backride daytoy.
Kabayatanna, iti biktima ket naiturong ken matamtaming iti ITRMC.
Agtultuloy iti imbestigasyon dagiti otoridad iti nasao nga insidente.
