Dumanonen iti ₱1.91 billion iti perdision ken pannakalugi iti sektor ti agrikultura gapu iti napapigsa nga Habagat ken dagiti bagyo Luis, Maymay ken Neneng, segun ti Department of Agriculture (DA).
Maibasar iti kauddian nga assessment, adda iti 61,237 a mannalon iti naapektaran ken nasurok 54,611 nga ektarya ti agricultural areas iti nadadael, a nagresulta iti pannakapuwa ti mapatta-patta a 7,772 metric tons ti agricultural commodities.
Kadakkelan iti perdision dagiti pagay a dumanon ti ₱1.07 billion, kasaruno dagiti high-value crops a ₱610.32 million. Adda met ti ₱92.68 million a pannakadadael iti mais ken ₱16.27 million iti livestock.
Nadadael met dagiti irrigation facilities, farm structures, machinery ken equipment, bayat a ₱9.26 million iti losses iti fisheries ken aquatic resources.
Kas ayuda, mangisagsagana iti ahensia ti ₱237.99 million agricultural inputs. Mabalin met nga umutang dagiti mannalon ti agingga ₱25,000 babaen ti SURE Loan Program.
Mangipaay met iti National Food Authority ti 3,631 bags ti milled rice kadagiti apektado nga LGU.###
