BR LA UNION – Agsubli ditoy pagilian inton Lunes, Abril 14, iti Philippine Inter-Agency Humanitarian Contingent kalpasan ti deployment dagitoy idiay Myanmar gaputi 7.7 magnitude a gingined idi Marso 28.
Buklen ti 89 a personnel manipud naduma-uma nga ahensya ti gobyerno ken pribado a sektor iti nakatuding nga agawid ditoy pagilian ken masabat da idiay Villamor Air Base Pasay City.
Karaman iti contingent iti Office of Civil Defense (OCD), Philippine Air Force, Philippine Army, Department of Health, MMDA, Bureau of Fire Protection, DENR Emergency Response Team, Energy Development Corporation, ken Apex Mining Co., Inc.
Imbinglay ni Defense Secretary Gilberto Teodoro Jr. iti panangraem ni President Ferdinand Marcos Jr. para iti contingent group.
Maipalagip nga indaulwan ni OCD Administrator Undersecretary Ariel Nepomuceno iti send-off idi Abril 1 ken isuna met laeng ti mang-welcome iti reception.
Nagleppas iti misyon ti Philippine humanitarian team idi Abril 12, ken pinagyamanan ida ni Philippine Embassy in Myanmar Charge d’Affaires Angelito Nayan para iti naidumduma a serbisyo dagitoy.
Iti agdama, nakapag-patulod ti Pilipinas iti 19,458 pounds ti humanitarian aid, kabilang iti hygiene kits ken tarpaulins manipud ASEAN Coordinating Centre for Humanitarian Assistance.
Kabayatanna, nasurok 3,600 iti naipadamag itan a death toll iti napasamak a gingined idiay Myanmar.
