Nilukatan manen ti Pilipinas ti claim wenno panagtagikua iti North Borneo wenno Sabah iti naipatulod a note verbale sadiay United Nations (UN).
Impaganetget ti Philippine Permanent Mission to the UN ti soberanya ti Pilipinas iti Sabah.
Tinaginayon ti pagilian a saan a binaybay-an ti Pilipinas iti daitoy a teritorio.
Kabayatanna, nalaglagip met ti katulagan ti partido iti Manila Accord a napetsaan ti Hulyo 31, 1963, a nakailanad ti commitment ti PH babaen ti pangngipaganetget ti claim iti North Borneo kas maiyannurot ti international law ken principle of the pacific settlement of disputes.
Kasaruno daitoy nga addan ti Pilipinas ti note verbale ti Malaysia idi napalabas a tawen a kumontra met iti submission ti PH iti UN Commission on the Limits of the Continental shelf.
Sakbay daitoy ket immunan nga impaganetget ti PH ti karbengan para iti Sabah babaen ti UN Convention on the Law of the Sea (UNCLOS) ken pormal a kiniddaw iti UN body a palawaen ti continental shelf sadiay West Philippine Sea, partikular iti western Palawan region – banag a kinontra manen ti Malaysia.
