Pinasingkedan ti embahada ti Pilipinas idiay Austria nga asasikasuenen ti gobierno dagiti kaso a maipila maibusor iti maysa a Slovenian national a nangpapatay iti asawa na nga OFW.
Segun ti Philippine Ambassador ti Austria a ni Evangelina Lourdes Bernas, siguraduen ti gobierno a maidasar ti hustisya ti kabiitan a panawen.
Inaramid ni Bernas ti statement a maikuyog iti pammatalged a ti bangkay ti biktima ket naikeddeng nga naisubli idiay Cebu idi Sabado.
Maibasar iti post online, kinuna ti embahada nga agtultuloy a makiuman ti Department of Foreign Affairs iti ina ti biktima a ni Marvil Factura, nga umawat iti bangkayna sadiay Negros Occidental.
Leppasen met dagiti autoridad ti Slovenia ti autopsy report para iti panangisumite da iti korte.
Immunan a naipadamag a ni Factura ket pinatay ti lakayna bayat ti panagbakasionda idiay Bled, Slovenia idi Disiembre 29, 2024, sumagmamano a lawas sakbay ti isasangpet na kuma ditoy pagilian.
Sibibileg a kinondenar ti gobierno ti Pilipinas daytoy a pasamak ken impasiguro a magun-od ti hustisia para iti biktima nga OFW.
