Naballigi ti panangisayangkat ti Armed Forces of the Philippines (AFP) ken ti United States Indo-Pacific Command iti umuna a Maritime Cooperative Activity ita a tawen sadiay Palawan a paset ti West Philippine Sea, idi Enero 17 ken 18.
Segun iti AFP, karaman kadagiti asset ti Pilipinas a nakipaset iti nasao nga aktibidad ket ti BRP Antonio Luna (FF151), BRP Andres Bonifacio (PS17), dua a FA50 fighter aircraft, ken Search and Rescue (SAR) assets manipud iti Philippine Air Force.
Iti dasig ti Estados Unidos ket dagiti sumaganad: USS CARL VINSON Carrier Strike Group (VIN CSG), USS Princeton (CG59), USS Sterett (DDG104), MH-60 Seahawk helicopter, V-22 Osprey helicopter, ken dua nga F-18 Hornet aircraft.
Karaman kadagiti aktibidad a napasamak ket ti Communications Check Exercise, Division Tactics/Officer of the Watch maneuvers, ken Photo Exercise.
Nangisayangkat met dagiti nakipaset a barko iti Dissimilar Aircraft Combat Training (DACT).
Segun kenni AFP Chief of Staff Gen Romeo Brawner Junior, ti maika-5 nga iteration ti maritime cooperative activity ket ad-adda a mangpapigsa iti bilateral maritime cooperation ken interoperability ti Pilipinas ken US, kasta met ti mutual effort tapno agtultuloy a masalakniban ken masigurado ti nakapia nga Indo-Pacific Region.
