Impaganetget dagiti sumagmamano a senador a regular da nga imbestigaran ti Philippine Health Insurance Corporation wenno PhilHealth para ti kari ti ahensya nga maaddaan iti panagrang-ay kadagiti maipapaay nga access kadagiti essential medicines para kadagiti agkasapulan.
Segun kenni Senate committee on health chairman Senator Christopher “Bong” Go, saan nga agleppas iti panangisubmitir iti commitment letter manipud PhilHealth ti panagtutok da iti hirit ng addaan iti nalawlawa a tulong kadagiti marigrigat nga agkasapulan kadagiti medical assistance.
Maipalagip a nangipatulod ti commitment letter ti government health insurer ken naapauneg iti daitoy dagiti programa a kayat da a mapasayaat.
Naammuan pay a ti nilaon ti National Health Insurance Program kas mandato ti Republic Act No. 11223 wenno Universal Health Care (UHC) Act a palawaen ti tulong a sakop ti Philhealth.
Immunan a kinuna ni Senador Go a napateg a maikadwa kadagiti programa ti outpatient drug benefit packages tapno maalalayan latta ti gobyerno dagiti umili nga addaan kadagiti rikriknaen bayat nga matultulongan pay dagitoy iti bagbagi da babaen ti panagtrabaho ken dadduma pay nga aramid.
Maipalagip nga siguden a binagaan ti sumagmamano a mamanday-linteg iti mangidadaulo ti Philhealth gapo iti wagas na a panagsungbat kadagiti damag dagiti nangato a miyembro ti Kongreso.
