Inlawlawa pay ti Philippine Army ti isayasayangkat da nga imbestigasyon iti napasamak nga ambush iti convoy ni South Upi Vice Mayor Roldan Benito.
Segun kenni Major General Antonio Nafarrete, commander ng 6th Infantry Division Philippine Army, dawdawaten na iti ulong manipud kadagiti local officials ti lugar tapno masukimat dagiti nangtambang iti bise mayor.
Nagsapata met iti suporta dagiti local leaders ken dagiti lider dagiti ethnic group iti imbestigasyon nga isaysayangkat dagiti otoridad.
Agosto a-dos idi tinambangan iti convoy da Vice Mayor Benito kabayatan iti panagdalyasat iti kakalsadaan iti South Upi.
Kadwa iti Bise alkalde a natay iti private bodyguard na.
Kabayatanna, nagasat met a nakalasat iti asawa ti Bise ken dadduma pay a kakadwa da iti convoy.
Gapo iti daitoy, impasiguro ni Police Regional Office-Bangsamoro Autonomous Region Director Police Brigadier General Prexy Tanggawohn iti nalawlawa nga imbestigasyon iti daitoy a brutal nga aramid.
