Pinawaywayan pay ti Philippine Coast Guard (PCG) ti agingga Enero 10 ti deadline ti panagrehistro dagiti barko a mayat a makipaset iti fluvial procession ti 460th Fiesta Señor.
Impadamag ni Philippine Coast Guard Central Cebu station Commander Captain Jerome Lozada nga iti agdama ket sumagmamano laeng, ti bilang a 121 ti nairehistro a barko.
Innayon pay ni Lozada a basar iti datosda manipud idi napan a tawen, nasurok a 200 a barko ti nagrehistro a makipaset iti fluvial procession.
Kinunana a imaximize-da ti deployment ti floating assets ken personnel bayat ti nasao nga aktibidad.
Ad-adda pay a maidagadag kadagiti amin nga interesado a mangileppas iti panagrehistroda iti kabiitan a panawen tapno maliklikan ti aniaman nga isyu.
Naangay met ti inter-agency meeting kas panagsagana iti natalged ken naballigi a fluvial procession ti imahe ni Señor Santo Niño
Naisentro ti diskusion iti panangipasigurado iti kinatalged dagiti timabuno, panangtarawidwid a naimbag iti prosesion, ken validation iti amin a nairehistro a motor boat ken barko tapno maliklikan ti aniaman nga insidente.
