LA UNION – Naglippasen ti panagrambak iti Taboan Feastival a nakipasetan iti Philippine Writers Association a naangay ditoy probinsya ti La Union.
Kinuna ni Dr. Juliet Mallare, ti director iti nasao Feastival, nakaragsakanda iti kinamanagpadagus dagiti lokal nga opisyal a gobyerno ken iti umili ti probinsya.
Apresyarenda iti panangipaay ti kasapulan iti bunggoy tapno agballigi ti nasao nga okasyon.
Kabayatanna, maysa kadagiti kangrunaan a rason iti pannakaangay ti Taboan Feastival ditoy La Union ket tapno personal a masarungkaran dagiti gunglo dagiti mannurat ti balay ni nalatak a mannurat a ni Manuel Arguilla idiay ili ti Bauang. (Absalom Flores)
