Agkasapulan ti Pilipinas iti nasayaat a diskarte tapno makaallukoy kadagiti gangganaet nga agpuonan.
Daitoy iti waragawag ni House Ways and Means Chairman ken Albay Representative Joey Salceda kasaruno iti pannakapangabak ni Donald Trump iti maikadua a panag-akem na a kas Presidente ti Estados Unidos.
Segun iti ekonomista a mamanday-linteg, iti tariff policy ti baro a Presidente ti Amerika ket saan a maliklikan nga adda epekto na iti global investment regime ken mabalin daitoy a dumanon ti kapada a wagas, ngem patta-patta na ket patpatayen na daitoy ti “globalized” manufacturing companies manipud ti Estados Unidos ken mangpapigsa laeng daitoy iti agdama a manufacturing bases agturong ti Southeast Asia.
Isu kinunana a rumbeng nga iti Pilipinas ket addaan iti tignay kadagitoy a mangpuonan.
Kinuna ni Salceda a ti napintas a damag iti daitoy ket naglabasanen iti Pilipinas ti kina-Presidente ni Trump, isu ket ammo tayon iti wagas na ken dagiti predisposition na kasta met dagiti retorika iti kampanya ken iti mismo a polisiya na.
