Impadamag ni Department of Agriculture Secretary Francisco Tiu Laurel Junior iti 2024 World Food Forum idiay Rome a nakatutok iti gobierno ti Pilipinas kadagiti uppat a key commodities tapno makatulong iti global sustainable agriculture.
Dagitoy nga key commodities ket pakairamanan dagiti: abaca, kawayan, mangga, ken seaweed.
Segun kenni Laurel, napateg dagitoy a produkto para iti lokal nga ekonomiya, pagtaudan ti panggedan, ken sustainable development.
Napili dagitoy agsipud ta potential a makaakit da iti investment ken maitugma iti napanpanawen nga uso a sustainable ken regenerative agriculture.
Inawagan met ti sekretaryo a papigsaen ti agrikultura babaen ti ad-adda a nangato a trade and investments tapno magun-od iti target a makaaramid iti sustainable livelihoods para kadagiti mannalon ken mangngalap.
