BR LA UNION – Impanakkel ti National Economic and Development Authority (NEDA) a nga adda iti maikatlo a puwesto iti Pilipinas nga addaan ka[paspasan a panagdur-as iti ekonomiya ti intero a rehiyon Asya.
Daytoy ket laksid iti saan a pannakagun-od ti gobyerno ti target na para iti tawen 2024 a 6% agingga 6.5% agsipudta 5.6% laeng ti nailista idi napalabas a tawen.
Segun kenni NEDA Policy and Planning USec. Rosemarie Edillon, sumarsaruno ti Pilipinas iti Vietnam nga addaan ti 7.5% economic growth, China addaan ti 5.4%, ken naartapan pay ti Pilipinas iti Malaysia nga addaan ti 4.8% a panagdur-as ti ekonomiya.
Dinakamat ti opisyal iti sumagmamano a makagapo ti saanna am pannakagun-od ti target, a pakaibilangan ti saan a kontrolado a panagserrek dagiti bagyo ditoy pagilian ken epekto ti geopolitical tensions.
Segun kenni USec. Edillon, iti sektor ti agrikultura ket nakapadas ti sumagmamano a setbacks partikular iti baetan ti bulan ti Oktubre agingga katengngaan ti Nobyembre idi dimmuprak dagiti innem a nagsasaruno a bagyo ditoy pagilian.
Immunan nga inwaragawag ni NEDA Sec. Arsenio Balisacan idi napan a lawas nga agtaltalinaed nga “impressive” iti taray ti ekonomiya ti pagilian nga uray saan a nagun-od ti gobyerno ti intuding na a target .
