Dumanonen iti 27 a tattao iti kumpirmado a pimmusay ken 170 ti bilang dagiti nadundunor kasaruno ti panagsuwek ti fighter jet ti Bangladesh Air Force idiay Milestone School and College, maysa a pribado a kolehio idiay Dhaka.
Kaadwan kadagiti biktima ket puro ubbing nga agaawiden kalpasan iti klase idi nagsuwek kadakuada iti Chinese-made F-7 BJI jet.
Segun iti militar ti Bangladesh, ti piloto a ni Flight Lieutenant Towkir Islam ket adda iti maysa a training mission idi nakapadas iti mekanikal nga aberya. kinuna iti uliteg ti piloto, daitoy iti kaunaan a solo flight ti kaanakan na.
Ginandat pay ti piloto nga iyadayo iti eroplano iti natao a lugar ngem nagsuwek latta daitoy iti maysa a pasdek ti pagadalan.
Maibasar iti ospital a nakaiturongan dagiti biktima ket pito kadagiti bangkay ket saan latta a mabigbig bayat a dagiti nadundunor ket agtawen laeng ti walo agingga katorse. Adu met a nagannak ken kakabagian iti nagturong iti ospital bayat nga adda met dagiti volunteers a nangiyuswat iti blood donation drive.
Nangipadanonen ni Indian Prime Minister Narendra Modi iti pannakiladingit ken indeklara na iti national mourning idi kalman, aldaw ti Martes.
Maibilbilang iti insidente a kakaroan nga aviation disaster idiay Bangladesh manipud pay tawen 1984 a nakatayan idi dagiti 49 nga indibidwal gapo iti maysa a commercial flight crash.
