LA UNION – Naitandudo kas kampeon iti Renextop Asian Surfing Tour ti maysa a Pinay surfer iti kalkalpas a pasalip a naangay iti nabirngasan a ‘Surfing Capital of the North’ idiay ili ti San Juan, La Union.
Iti pannakiuman ti Bombo Radyo iti pambato ti Pilipinas a ni Daisy Valdez a iti probisya ti La Union, kinunana a nagbunga met laeng ti panagan-anusna a nag-ensayp tapno agballigi iti surfing competition a nakipasetan iti padana a surfers a naggapu manipud iti naduma-duma a pagilyan ditoy Asya.
Sigun kenni Valdez, malaksid iti napinget nga ensayo ket bentahe na met ti lugar a nakaisayangkatan iti kompetisyon gapu ta kabisadona met ti gunay iti dalluyon.
Nangipeksa met iti panagyaman ti Pinay sufer kadagiti amin a timmulong kenkuana tapno magun-od ti balligi iti kompetisyon. (Absalom Flores)
