Agtultuloy ti isaysayangkat nga imbestigasyon ti San Juan Police Station mainaeg iti pannakatay iti nalatak a paintor iti maysa a resort idiay ili ti San Juan, La Union idi parbangon ti Sabado September 18, 2021.
Sakbay iti daytoy, nasarakan laengen nga awananen ti biyag na ni Breana Patricia Jonson, 30 anyos, residente ti Malate, Metro Manila iti nagdagusanda a hotel iti Brgy. Urbiztondo ti nadakamat nga ili.
Maibasar iti impormasyon manipud San Juan Police Station, nagpaarayat iti boyfriend ti biktima a nabigbig iti nagan a Julian Roberto Ongpin, 29-anyos, residente ti Ayala Extension, Makati City kalpasanna a masarakan iti biktima nga awanan iti puot.
Iti nagbalin nga palawag ni Ongpin kadagiti otoridad, simmangpet isuna ken iti biktima ti nagdagusan da a resort idi malem ti September 17.
Maipagarup a simrek ti biktima iti comfort room agingga a nadlawan na a saan pay nga rimuar ti biktima kalpasan iti maysa nga oras no sadino dagus na dinadael ti ridaw kasaruno ti panangarayat na idi a makitana a nakadasay daytoy.
Numan pay naitaray iti pagagasan ti biktima ngem naideklara a dead on arrival babaen iti doktor.
Iti agdama, maur-uray iti resulta ti otopsiya iti bangkay ti biktima tapno maamuan iti pudno a nakatayan daytoy.
