Sumangsano ita ti asunto dagiti pito a Court of Appeals associate justices kalpasan a pormal nga impila ti kaso ti Office of the Ombudsman karaman ti Judicial Integrity Board ti Korte Suprema.
Naakusaran dagiti nasao nga associate justices iti gross ignorance of the law and conduct prejudicial to the best interest of the service.
Karaman kadagiti napilaan ti kaso ket isuda Associate Justices Louis P. Acosta, Marlene B. Gonzales-Sison, Rex Bernardo L. Pascual, Mary Charlene V. Hernandez-Azura, Roberto P. Quiroz, Rafael Antonio M. Santos, ken Ferdinand C. Baylon.
Adda met ti pakainaigan ti kaso ti nagbalin da a desisyon a mangiruar ti temporary restraining order idi Nobyembre ti napalabas a tawen.
Daitoy a desisyon ket nanglapped iti panangipatungpal ti preventive suspension kontra kadagiti walo nga Sangguniang Panlalawigan member ti probinsya ti Antique.
