Nangisayangkat ti Relief Operations iti Philippine National Police (PNP) iti tengnga ti agtultuloy a dakes a paniempo
Nangituding iti 6,000 a kapulisan iti PNP para iti panangisayangkat dagiti emergency management operations kadagiti paset a naapektaran unay iti napalabas a Bagyong Crising.
Segun kenni PNP Public Information Office Chief PBGen. Randulf Tuano, iti pakabuklan a bilang ti kapulisan a 6,000, 1,606 iti nakaiduding idiay Cagayan Valley, Central Luzon, Western Visayas, Zambonga Peninsula, Cordillera Region, Negros Island ken Metro Manila.
Bayat nga addaan 4,307 met dagiti pulis a manioud reactionary support ti PNP iti nakastandby ken nakasagana a kas augmentation no man pay kasapulan da iti agnayon kadagiti nasao a paset.
Maibasar kadagiti datos ken report ti PNP, nasurok 13,715 dagiti evacuation centers iti nakalukat ken mabalin a papanan dagiti maapektaran a residente kadagiti naapektaran a rehion.
Iti mainaig a balita , segun kadagiti datos ti Department of Social Welfare and Development (DSWD) Disaster Response Operations Management, Information and Communication, 5,022 a pamilya wenno nasurok 17,694 dagiti indibidwal iti naapektaran ti napipigsa a panagtudo manipud kadagiti barangay idiay MIMAROPA, Western Visayas, Central Visayas, ken Zamboanga Peninsula.
Nakaiyawat iti tulong iti DSWD nakaitedan iti P744,539 a balor dagiti family food packs (FFP’s) ken non-food items.
Kabayatanna, nakasaganan ken nakastandby iti nasurok 3 million a kahon ti FFP’s nga ada idiay National Resource Operations Center bayat nga agtultuloy iti repacking ken replenishment dagiti relief items.#
