Iparit itan ni Philippine National Police (PNP) chief Police General Rommel Marbil dagiti polis a mangiggem iti payong para kadagiti Very Important Persons (VIP) kadagiti events.
Iti flag-raising ceremony sadiay Camp Crame, Quezon City, kinuna ni Marbil nga inaramidna ti direktiba gapu ta kayatna nga isubli ti dignidad ti uniporme ti PNP.
Agdagup iti 373 a personnel manipud iti Police Security and Protection Group (PSPG) ti na-recall idi Hulio.
Kinuna ni Marbil a 143 a PSPG personnel ti naala manipud kadagiti kangrunaan nga opisial dagiti pribado a kompania a nairehistro iti gobierno, 57 manipud kadagiti retired police generals, 14 manipud kadagiti residente aliens, ken nadumaduma a protektado.
Dagiti dadduma pay a protektado a naisubli dagiti detalye ti seguridadda ket pakairamanan ti 27 a dati nga opisial ti gobierno, 17 nga opisial ti nasyonal ken lokal, 16 a lokal nga umili, pito nga ex-congressmen, innem a mayor, innem a kapitan ti barangay, tallo a bureau head, maysa a gobernador, ken maysa nga undersecretary.
Idi Hunio, nangipaulog met ni Marbil iti direktiba a mangipalaplagip kadagiti opisial nga ipamaysada ti kinatalged ti publiko ken saan a mangipaay iti serbisio kadagiti pribado nga indibidual.
