BR LA UNION – Naka-nationwide hightened alert itan iti Philippine National Police (PNP) tapnu masigurado iti kinatalged ti publiko kangrunaan dagiti biyahero, ken tapnu naparpartak iti panagresponde kadagiti emergencies.
Segun kenni PNP chief Police General Rommel Marbil, nagtignayen dagiti police units tapno mapagtalinaed iti kapya ken urnos kabayatan iti panangselebrar ti Baro a Tawen.
Karaman kadagiti nagbalin nga wagas da ket iti koordinasyon kadagiti government agencies ken local traffic management offices tapno imanehar dagiti tattao ken behikulo kabayatan iti busy season.
Innayon na pay nga nakasagana iti Philippine National Police tapno mangipaay ti first aid partikular kadagiti firecracker-related injuries ken rumesponde kadagiti mabalin nga agtaod a fire incidents, kabinnulig da iti nasao a ganuat iti local fire protection units.
Nagballaag ni Marbil iti publiko dagiti mabalin nga ipaay nga peggad iti firecrackers, ken nasaysayaat laengen nga agbuya kadagiti fireworks displays dagiti government-designated fireworks zones.
Maipalagip nga inwaragawag iti Philippine National Police-Civil Security Group (PNP-CSG) ti 28 probihited firecrackers pakairamanan ti Watusi, Piccolo, Five Star (Big), ken Pla pla.
