BR LA UNION – Papigsaen pay ti Philippine National Police (PNP) iti police visibility iti pagadalan ken dadduma pay a lugar a posible nga agbalin a target ti kidnapping incidents.
Iti agdama, naki-koordina ti PNP kadagiti pagadalan idiay Metro Manila, partikular iti international school, tapno mapapigsa iti seguridad.
Waragawag daytoy ni PNP Anti Kidnapping Group Director Col. Elmer Ragay, kasaruno ti insidente ti panagdukot iti maysa nga estudyante ti maysa nga international school idiay Taguig City, a pinutdan ti ramay dagiti kidnappers.
Kinuna ni Col. Ragay, papigsaen pay ti PNP iti information dissemination babaen ti panagibunong kadagiti materyales wenno impormasyon kontra kidnapping, pa-aktibwen ti mobile team a mabalin nga i-tap tapno mangisayangkat ti lecture maipapan kadagiti safety tips ken kampaniya iti social media kontra kidnapping.
Segun met kenni NCRPO Director PBGen. Anthony Aberin, papigsaen da iti presensya kadagiti lugar a posible a paka-aramidan ti krimen.
Kiniddaw ti PNP iti publiko nga agbalin nga alerto ken naridam iti paspasamak iti aglawlaw.
