BR LA UNION – Posible nga agtalinaed pay ti sumagmamano nga aldaw ni Pope Francis iti ospital.
Segun iti Vatican, a nakitaan ti “”polymicrobial infection” iti respiratory tract iti 88-anyos a Santo Papa.
Innayon ti Vatican a gaputi nasao a sakit ket inrekomenda ti doctor nga agtalinaed pay ti sumagmamano nga aldaw idiay Gemelli hospital idiay Rome iti Santo Papa.
Maipalagip nga idi Biyernes ket naiturong ti Santo Papa iti ospital gaputi bronchitis.
Siniguro met ni Vatican spokesman Matteo Bruni nga adda iti nasayaat a kasasaad ti Santo Papa ken ar-aramiden amin a wagas dagiti doctor para iti napartak a panagimbag daytoy.
