BR LA UNION – Naka-admit ita iti ospital ni Pope Leo XIV tapno agpaisidong iti operasyon.
Segun iti Vatican, naka-admit idiay Agostino Gemelli University Policlinic hospital ti 71-anyos a Santo Papa tapno ipa-ikkat iti “nodule” wenno bukol a nakita iti bara na.
Ti nodule ket nabukel a tissue ken dumak-dakkel daytoy,
Iti nasao nga ospital ket addaan ti special suite wenno kuwarto para iti Santo Papa iti maika-10 a kadsaaran.
Ti nasao a kuwarto ket inawagan idi ni Pope John Paul II kas “Vatican three” gaputa masansan a maiturong iti nasao nga ospital.
Gapu iti pannakaipasidong ti Santo Papa iti operasyon ket kinanselar ti amin a public events na agingga Oktubre 20.
Agtultuloy met iti trabaho ti Vatican bayat nga adda iti ospital ti Santo Papa ngem kanselaren da iti anyaman a dokumento a kasapolan iti pirma ti Santo Papa.
