LA UNION – Immani manen ti pammabalaw iti biddut a lokasyon a naka-ikabil iti poster ti Department of Tourism (DOT) iti nalatak a Banaue Rice Terraces a naka-display idiay Ninoy Aquino International Airport (NAIA) Terminal 4.
Daytoy ket kalpasan a nag-viral online iti imbinglay a ladawan ti Archaeologist ken professor ni Stephen Acabado iti social media account na.
Makita iti nasao a poster a mangiprom-promote iti rice terraces, ngem ti nakai-kabil a lokasyon ket Benguet, imbes a Banaue, Ifugao.
Iti nasao a poster ket materyal ti Department of Tourism para iti “Love the Philippines campaign” daytoy.
Kasaruno ti insidente, dagus a naikkat iti nasao a poster agarop alas 7:39 ti rabii idi Domingo.
Paangaw nga imbaga ni Acabado iti post na, a naisublin idiay Ifugao iti Banaue Rice Terraces.
Iti agdama, awan pay iti inruar nga statement ti Department of Tourism seknan iti biddut nga info iti poster.
Iti Banaue Rice Terraces wenno Hagdan-hagdang Palayan ng Banawe iti tagalog ket naagdan-agdan a pagmulaan ti pagay nga inaramid ken hinulma dagiti katutubo nga umili, dua ribo a tawenen ti napalabas, iti kabanbantayan idiay probinsiya ti Ifugao.
Iti Benguet a naka-ikabil iti poster ket sabali a probionsiya, ngem agpada iti Benguet ket Ifugao a sakopen ti Cordillera Administrative Region (CAR).
