Pinakiusapan ti Philippine Ports Authority (PPA) dagiti biahero nga agbalbalak a mangitugot ti alaga da nga ayup a saan a liplipatan a mangitugot ti maiyannatup a dokumento.
Kasaruno daitoy ti agtultuloy a panagdupudop dagiti pasahero kadagiti sangladan ket kinuna ti ahensya a makikoordinar laeng iti kaasitgen a Bureau of Animal Industry – National Quarantine Services tapno makaala ti Shipping Permit.
Daityo a permit ti agbalin a pasaporte dagiti ayup tapno mapalubosan da nga agsakay kadagiti sangladan.
Panggep a maliklikan ti PPA ti panagwaras ti sakit dagiti maibiahe nga ayup a makaapektar tu met iti local animal industry wenno makaakar kadagiti pada da pay nga ayup.
Kabayatanna, karaman iti requirement ti Veterinary Health Certificate nga ited met dagiti beterinaryo.
