BR LA UNION – Dagus nga imbilin ni Presidente Ferdinand Marcos Jr. nga isardeng iti ar-aramiden a panagsagana para iti maika-4 nga State of the Nation Address (SONA), a nakatuding a maisayangkat inton Lunes, Hulyo 28, 2025.
Iti waragawag nga inaramid ni Executive Secretary Lucas Bersamin, kinuna na a nasken nga ag-focus ti gobyerno partikular dagiti maseknan nga ahensiya ti gobyerno iti flood response ken relief operations kadagiti apektado ti layos a gapwanan ti nalawa nga epekto ti habagat.
Kinuna ni Bersamin a laksid nga adda idiay Estados Unidos para iti official visit, saan a nailemmeng ti Presidente iti pannaka-dismaya na iti report nga adda dagiti kameng ti gobyerno a makomikom nga agikab-kabil ti SONA materials kadagiti pampubliko a lugar, idinto a malay-layos iti kaadwan a lugar idiay Metro Manila ken kabangibang a probinsiya.
Segun kenni Bersamin a bilin ti Presidente nga isardeng dagiti ar-aramiden nga adda pakainaiganna iti SONA preparation, tapno maipamaysa ti prayoridad a trabaho iti panawen ti kalamidad.
Inaramid ni Secretary Bersamin iti waragawag kalpasan a nakaawat ti report ti Malacañang, nga adda dagiti DPWH personnel a nagikabil ti tarpaulins parfa iti SONA ti Presidente kadagiti kalsada idiay Manila ita nga aldaw ti Martes, Hulyo 22, 2025.
