BR LA UNION – Idaulwan ni Presidente Ferdinand Marcos Jr. ti tinawen a pananglagip ti pagilian iti martir a ni Dr. Jose Rizal iti maika-128 nga anibersaryo na iti Rizal National Monument, idiay Manila ita nga aldaw Disyembre 30, 2024.
Karaman iti commemorative program ti arrival honors nga ipaay ti Armed Forces of the Philippines, sumaruno iti pannakaitag-ay ti bandera ti Pilipinas.
Mangisagut ti Presidente iti wreath wenno korona a sabong iti Rizal Monument a kadwana da National Historical Commission of the Philippines (NHCP) Chairman Regalado Trota Jose Jr. ken AFP Chief of Staff General Romeo Brawner Jr.
Iti tema ita a tawen ket “Rizal: Sa Bagong Pilipinas, Buhay at Aral Aming Nilalandas” para iti pananglagip ti kinamartir ni Rizal, nga agserbi a gundaway para kadagiti Pilipino a mangpanunot kadagiti pateg a pagwadan ti kinabannuarna para kadagiti tattao ken ni kasatno a mabalin nga agserbi dagitoy a pundasyon para iti masakbayan dagiti Pilipino.
Maigiddan met ti programa iti nagduduma a lugar, kas iti Rizal Shrine idiay Calamba City, Laguna ken Dapitan City, ken Zamboanga del Norte.
Kalpasan iti commemorative program, pormal a lukatan ti National Historical Commission of the Philippines iti exhibit a napaulwan iti “Remembering Rizal in Artworks and Monuments” iti mismo a main lobby ken second floor ti NHCP Main Building idiay TM Kalaw Street, Ermita, Manila.
Tampok ditoy dagiti artworks manipud iti koleksiyon ti National Historical Commission of the Philippines a mangilagip iti immortalize life ni Rizal, ideals ken inaramid na a sakripisyo.
Agpaut daytoy ti maysa a bulan tapno idanon iti naan-anay a pannaka-awat kadagiti Pilipino maipapan iti inaramid na a panangilaban ti nasyon para iti panagway-wayas daytoy.
