LA UNION – Imbilin ni Presidente Ferdinand R. Marcos Jr. ti pannakabukel ti Inter Agency Task Force a mangtutok iti insidente ti oil spill idiay probinsiya ti Bataan.
Imbilin pay ti Presidente ti pannakaipakat dagiti organic oil spill booms idiay Bataan, Bulacan ken Pampanga.
Iti situation briefing nga idauluan ti Presidente iti Provincial Capitol of Bulacan, kinunana a nasayaat no adda inter-agency task force tapno agtitinnulong dagiti nagduduma nga ahensiya a mangtaming iti anyaman a pakaseknan mainaig iti insidente.
Segun iti Presidente, ti Office of the Civil Defense ti agserbi a lead agency ngem kadwa da iti Task Force ti Coast Guard ken DILG.
Kinunana a daytoy ket tapno nasayaat ti pannakakoordinar dagiti maseknan a Local Executives a kadwa ti DENR ken ti Department of Health tapno maipangruna ti pannaka-monitor iti aspeto ti salun-at ken environmental concern.
