Pinermaan ni Presidente Ferdinand Marcos Jr. tapno agbalin a naan-anay a linteg iti singasing a mangitantan iti 2025 Barangay ken Sangguniang Kabataan Elections.
Nakailanad iti Republic Act 12232 a maisayangkat inton Nobyembre 2, 2026 iti BSKE, manipud iti sigud a Disyembre 1, 2025. Mapawaywayan met iti termino dagiti barangay officials ken Sangguniang Kabataan ti uppat a tawen manipud iti sigud a tallo a tawen.
Para iti kapada a posisyon, agingana nagsasaruno a tallo a termino laeng ken dagiti incumbent nga agserserbi iti maikatlo a nagsaruno a termino ket saanen a mapalubusan nga agkandidato iti kapada a posisyon inton November 2026 Barangay and SK ELections.
Binilin met ti linteg iti Commission on Elections (Comelec) a mangiruar ti implementing rules and regulations iti uneg ti 90 nga aldaw.###
