Napaay a ma-impeach kas Presidente ti South Korea ni Yoon Suk Yeol kalpasan nga i-boycott dagiti mamanday-linteg manipud iti partido na ti botos iti laksid dagiti protesta iti ruar ti parliament.
Kasaruno daitoy ti apagbiit a deklarasyon ni Yoon iti martial law idiay South Korea.
Inpila dagiti oposisyon ti impeachment motion nu sadinno daitoy ket agkasapulan ti two thirds majority ngem arig na intero a miyembro ti People Power Party (PPP) ket saan a nagbotos.
Segun pay kadagiti oposisyon a mamanday-linteg, nu saan a makalusot ti impeachment motion ket sublian da metlang daitoy inton Miyerkules gapo metten ti nakaro a rurod iti publiko ti panangideklara na ti martial law a nangigubuay ti East Asian democracy ken kangrunaan a kaalyado ti Estados Unidos ti tension.
Kinuna ti People Power Party a ti panagharang ti impeachment ket tapno maliklikan ti gulo ken dibisyon.
Innayon da pay a mabalin met a maresolba ti sitwasyon iti nakapia a wagas.
