LA UNION – Inaresto ti pulisya ti maysa a public school teacher gapu ti maipagarup a pananginsulto daytoy iti pulis a mangimatmaton iti trapiko idiay ili ti Agoo, La Union.
Base iti report a nakalap ti Bombo Radyo manipud iti Agoo Police Station, kabayatan a makumikom ni PO2 Roberto Rivera iti panangiwanwan kadagiti motorsita ket pinasardengna ni Teacher Marlon Verceles nnga agmanmaneho iti motorsiklo tapno agbalin a naannayas ti trapiko.
Ngem maipagarup a nakabusor ti teacher ken nakaisawang daytoy iti nagugubsang a sarita konta iti pulis kasaruno iti panaglibas daytoy.
Kinamat met dagiti pulis ti mannursuro agingga a naabutanda daytoy idiay public market ken inturongda iti police station.
Iti imbestigasyon ti pulisya, student driver’s permit ti ikot iti teacher ti panagmaneho.
Nagkapya met laeng dagiti dua kalpasan a nagkiddaw iti pammakawan ti teacher iti pulis.
