Inallukoy ti grupo nga August Twenty-One Movement (ATOM) iti publiko nga arakupen ti legasiya nga inbati ti 1986 EDSA People Power Revolution kagiddan ti panagrambak ti maika-40 nga anibersaryo daitoy ita a Miyerkules, Pebrero 25.
Iti grupo nga ATOM ket inpasdek ti ubing a kabsat ni sigud a Senador Benigno Aquino Jr. a ni Butz Aquino, a karaman kadagiti umuna a nagpanawagan kadagiti umili nga agtitinnipon idi idiay EDSA a nagresulta iti nakapia a People Power Revolution.
Iti maysa a press conference, inyarig ni ATOM president Voltaire Bohol nga adu kadagiti agtutubo ita iti agpopost iti social media a “mahirap mahalin ang Pilipinas” ngem nalipatan da a maysa iti pagilian tayo kadagiti mapapadayawan iti intero a lubong idi tawen 1986 gapu iti People Power.
Inbatad ti ATOM president a tapnu agrang-ay manen iti pagilian ket kasapulan a mapasungbat dagiti personalidad nga adda iti likudan iti maawawagan kas “conjugal dictatorship” idi panawen ti termino ni sigud a Pres. Ferdinand Marcos Sr.
Agingga awna ti closure ken pammaneknek iti orihinal a panagbasul iti diktadurya, mabalin a kada 10 a tawen ket maaddaan iti baro a diktador.
