LA UNION – Naisublin iti pagbaludan ti Taguig City Police Office ti maysa a naglibas nga inmate kalpasan a matiliw daytoy idiay Barangay Carunuan, ili ti Rosario, La Union.
Nabigbig ti nasao a 30-anyos a pugante a ni Joel Jesisto, sumangsango iti kaso nga illegal possession of explosives, ken residente iti syudad ti Taguig.
Iti pannakiuman ti Bombo Radyo kenni C/Ins. Bernabe Orobillo, hepe ti Rosario Police Station, dua a lawas a naglemmeng ni Jesisto ti nasao a barangay kalpasan a naglibas daytoy idi Septembre 30, 2017.
Naaresto ti pugante gapu iti nairutan nga intelligence monitoring ti pulisya kontra kadagiti aglemlemmeng iti linteg. (Absalom Flores)
