LA UNION – Naidatagen idiay piskalya ti kaso a kriminal kontra iti maysa a pulis a naaresto kalpasan a nairaman daytoy iti riribok ken panangitugot iti kolorum a paltog iti uneg ti videoke bar idiay Barangay Bacuit Sur, ili ti Bauang, La Union.
Nabigbig ti suspek a ni Po2 Jimmy Dacanay, 48, nakadistino iti Regional Mobile Force Batallion-1 a nakabase iti syudad ti San Fernando, La Union.
Naammuan ti Bombo Radyo manipud iti Bauang Police Station, kabayatan nga adda iti uneg ti bar ti suspek ken dagiti tallo a lallaki a maipagarup a nangiinom iti sebersa ket killaat a rimsua iti susik iti baetan dagitoy.
Idi nga iruaren iti pulis ti paltogna ken maysa kadagiti lallaki sadiad iti nangagaw ken nangipaima iti nagresponde a padana a pulis.
Gapu ta awan iti maipakita a maiyanatop a dokumento ni Dacanay para iti bukodna a cal .45 a paltog ket inaresto isuna dagiti kapadana a pannakabagi ti linteg.
Sumangsango ita iti illegal possession of firearm ken grave threat ti suspek, kabayatan a maisagsaganan ti kaso nga administratibo kontra kenkuana.
