LA UNION – Nagsagaba ti pannakadun-dunor iti bagi iti maysa a pulis kalpasan a naidungpar ti man-manehuen na a motorsiklo iti maysa a pampasahero a jeep, agarop 1:40 itay parbangon, iti kawatiwatan ti kalsada a sakop ti Barangay Catbangen, San Fernando City, La Union.
Nabigbig iti biktima a ni PO1 Bernard Marcus, 24, baro, naka-assign iti Reg’l. Mobile Force Batalllion Office One (RMFBO1), ken residente idiay Bani, Rosario, La Union.
Nabigbig met iti driver ti jeep a ni Guillermo Gapasin, 64, addaan ti asawa, residente ti Barangay San Francisco, San Fernando City, La Union.
Maibasar iti report, agpada dagiti dua a behikulo nga agtur-turong iti laud a direksiyon idi maipagarop a na-lost control iti pulis, puon ti nakatumba-an na iti kalsada.
Dagus a naiturong ti biktima iti Ilocos Training and Regional Medical Center (ITRMC) para iti pannakataming daytoy.
Agtultuloy iti imbestigasyon dagiti otoridad tapno maamwan nu siasino ti adda sung-sungbatan na iti napasamak nga aksidente.
