Kinondinar kas “strongest terms” ti Qatari foreign ministry ti plano ti gabinete ti Israel a panangipasdek ti ahensya ti gobierno a mangiyakar kadagiti residente idiay Gaza kasta met ti desisyon a mangbigbig kadagiti 13 a baro nga illegal settlements iti naookupa a West Bank.
Nangipeksa met ti pakaseknan da ti Saudi Arabia ken Jordan ken agpada da a kinontra ti plano ti Israel.
Segun iti tagapagsarita ni Netanyahu, maibaon iti baro nga ahensia nga agsagana para iti boluntaryo a panangpapanaw kadagiti residente ti Gaza Strip agturong kadagiti third countries babaen ti kunada a “safe and controlled manner”.
Pinagkedkedan dagiti Palestinians dagiti mangpatpatalaw kadakuada iti bukod da a nakaiyanakan bayat nga dagiti rights group ket ibagbaga, a daitoy nga addang ket mangigubuay ti maisa nga etnic cleansing, maisa a war crime.#
