BR LA UNION – Mamati ni House Quad-Committee Lead Chairperson Robert ‘Ace’ Barbers a saan a maka-apekto ti botos dagiti kandidato ti ‘Alyansa para sa Bagong Pilipinas’ iti impeachment complaint a naidatag konra kenni sigud a VP Sara Duterte.
Partikular a dinakamat ni Barbers iti Mindanao votes a nagun-od ti Alyansa candidates.
Impaganetget ti kongresista a ti resulta ti eleksiyon ti mismo a mangibaga a saan a maka-apekto iti panangabak dagiti kandidato ti administrasyon.
Inyarig ti outgoing district representative iti panangabak dagiti 36 manipud iti 44 a Mindanao lawmaker nga immunan a nagpirma iti impeachment complaint.
Rason ni Barbers, dagitoy ket agpapada a nangabak, kaipapanan nga adda ti 81.81% a win rate dagiti kongresista a simmuporta iti impeachment complaint kontra iti Bise Presidente.
Inlawlawag pay ti beterano a kongresista, nu maysa a political liability koma iti impeachment, rumbeng a saanen a nangabak dagiti kongresista iti bukodda a distrito.
Ngem nagbalin pay laeng a nabara iti panangawat dagiti botante kadakuada tapno ibotos ken agsubli iti opisina.
Ni Barbers ket maysa kadagiti Mindanao lawmaker a nagpirma iti impeachment kontra kenni VP Sara.
Isuna ti nagserbi a chair ti nabileg a Quad-Committee a nang-imbestigar iti maipagarop a koneksiyon ti Duterte drug war, Philippine Offshore Gaming Operators (POGOs), Chinese drug smuggling, money laundering, ken dadduma pay a krimen.
