Nagpila ti kampo ni Apollo Quiboloy iti motion iti Pasig Regional Trial Court Branch 159 tapno maiyakar isuna iti maysa nga ospital idiay Ciudad ti Davao.
Iti press conference sadiay Kampo Crame, kinuna ni PNP Public Information Office Chief Colonel Jean Fajardo a kayat ni Quiboloy ken ti kaduana nga akusado a ni Ingrid Canada ti maiyakar sadiay Veterans Memorial Medical Center, Davao City.
Gapu kano daytoy iti agdama a medikal a kasasaadda.
Segun kenni Fajardo, binilin ti korte ti PNP a government doctors ti mangexamin kenda Quiboloy ken Canada mainaig iti kiddaw da nga hospital arrest.
Kabayatanna, pinagkedkedan ti korte ti kiddaw ti kampo ni Quiboloy a maiyakar ti kustodia iti Armed Forces of the Philippines.
