Maysa a regional target-listed drug personality ti naarestar babaen ti maysa a buy-bust operation dagiti nagbinnulig nga operatiba manipud Philippine Drug Enforcement Agency Regional Office I – Ilocos Norte Provincial Office, Ilocos Norte Police Provincial Office – Provincial Drug Enforcement Unit, Regional Intelligence Unit- Provincial Intelligence Team ken Sarrat Police Station.
Binigbig ni PDEA RO 1 Regional Director, Director III Joel B Plaza ti suspek a ni Jayson Poa dela Cruz, 38-anyos, ken residente iti Bangui, Ilocos Norte.
Naarestar ni dela Cruz eksakto 6:53 ti rabii idi Marso 2 sadiay Sarrat, iti isu metlaeng a probinsya;
Nakumpiskar manipud ti operasyon ti maysa pidaso a heat-sealed transparent plastic sachet a naglaon ti shabu, sumurok-kumurang maysa gramo, ken addaan ti gatad a P7K, maysa a mobile phone ken ti buy bust money.
Mapilaan ti suspek ti panaglabsing ti Section 5 (Sale of Dangerous Drugs), Article II iti RA 9165 wenno ti Comprehensive Dangerous Dugs Act of 2002 a nakadetene itan sadiay Sarrat Police Station.
