Pimmusay bayat a maag-agasan iti Lorma Medical Center ti maysa a registered nurse kalpasan nga mairaman iti akisdente iti kawatiwatan ti national highway idiay Barangay Sta. Rita, Bacnotan, La Union.
Nabigbig ti biktima a ni Odeysey Gail Gawe, 25, residente ti Barangay Suguidan ti ili a Naguilian.
Sakbay ti insidente, agturturong iti agduma a direksyon ti motorsiklo a minaneho ti biktima ken ti lugan a minaneho ni Ricardo Octan, 38, tubo ti Sampaloc, Manila ken madama nga agnanaed idiay Barangay Bacqui ng idi nagdinnungpar dagitoy.
Kabayatan na, agtutuloy met ita ti ar-aramiden nga imbestigasyon dagiti otoridad seknan iti nasao a pasamak.
