Impasigurado ti Malacañang nga agtaltalinaed a napintas ti relasyon iti Pilipinas ken Czech Republic laksid ti isyu kenni sigud nga AKO Bicol Party-list Representative Elizaldy ‘Zaldy’ Co.
Segun kenni Palace Press Officer Undersecretary Claire Castro, adda ti bukod a linteg ken proseso iti Czech Republic isu a saanda a makatignay kontra kenni Co, a maibilbilangen kas pugante ditoy Pilipinas.
Raraemen met ti pagilian ti nasao da a proseso kabayatan ti panagbiruk kadagiti alternatibo a wagas nu kasatno a mapaawid ditoy Pilipinas ti pugante a sigud a mamanday-linteg.
Innayon na pay a saan a lapped ti nagdumaan ti linteg sadiay Czechia para ti koordinasyon ken ti agtultuloy a saritaan ti katulagan para ti extradition ditoy Pilipinas.
