Imbatad ni Batangas Rep. Gerville Luistro a matuloy latta ti impeachment trial kontra kenni Bise Presidente Sara Duterte nga uray saan a personal a dumar-ay isuna ti panagdengngeg ti Senado.
Segun kenni Luistro, nakailanad ti Senate impeachment rules a mabalin a matuloy ti impeachment uray saan a mangisubmitir ti sungbat wenno sumango ti bise presidente ken ti legal team na.
Kinunana nga itimatiko a maibilang kas “not guilty” plea ti saan na a panagdar-ay.
Impaganetget ti mamanday-linteg a mabalin a “disadvantageous” iti biang ti depensa ni Duterte ti agtultuloy na saan a panagparang agsipud ta napateg iti panagsungbat kadagiti alegasyon iti impeachment proceedings.
Immunan a pinasingkedan ti kampo ni Bise Presidente Duterte a nakadipindir iti pagkasapulan ti korte iti panagdar-ay na.
