Reckless imprudence resulting in homecide ti naipila nga kaso kontra iti respondent driver a nakadungpar idi iti maysa nga baro idiay Pugo, La Union.
Maipalagip, dead on arrival iti ospital ti biktima a ni Al-Jay Dumaguis, 20, residente ti Barangay Cares ti nasao nga ili.
Bumalballasiw idi iti kalsada ti biktima idi nga madungpar daytoy ti bus a minaneho ni Teodoro Moreto Jr, 38, addaan asawa, residente ti Brgy. Natansan, Cagayan.
Agtaltalinaed pay laeng iti pagbaludan ni Moreto kalpasan a mapaay a makabayad iti nakaduting na a piyansa a P30,000.
